Լավրովին զարմացրել են Ռուբիոյի հայտարարությունները Ուկրաինայի վերաբերյալ
Համաշխարհային Մամուլ
Ռուսաստանի արտգործնախարար Սերգեյ Լավրովը հայտարարել է, որ ԱՄՆ պետքարտուղար Մարկո Ռուբիոյի՝ Ուկրաինայի հարցով Վաշինգտոնի միջնորդ լինելու անհնարինության մասին խոսքերը զարմանք են առաջացրել ռուսական կողմում։ Այդ մասին հայտնում է ՌԻԱ Նովոստին։
«Վերջերս իմ գործընկեր Մարկո Ռուբիոն Կոնգրեսում լսումների ժամանակ, մեզ համար անսպասելիորեն, հայտարարեց, որ ԱՄՆ-ը չի կարող միջնորդ լինել ուկրաինական հարցում, քանի որ ամբողջությամբ աջակցում է Ուկրաինային», — ասել է Լավրովը։
Միաժամանակ Ռուսաստանի արտգործնախարարը նշել է, որ շարունակում է կապ պահպանել Ռուբիոյի հետ և պարբերաբար շփվում է նրա հետ։
Լավրովի խոսքով՝ ԱՄՆ-ը շարունակում է աջակցել Ուկրաինային ոչ միայն նախկին նախագահ Ջո Բայդենի օրոք ընդունված սահմանափակումների երկարաձգմամբ, այլ նաև նոր սահմանափակումների կիրառմամբ և Պենտագոնի հատուկ ծրագրերով, որոնք ուղղված են ուկրաինական ռազմարդյունաբերական ոլորտի աջակցությանը։
Ավելի վաղ՝ հունիսի 3-ին, Մարկո Ռուբիոն հայտարարել էր, որ ԱՄՆ-ը չի կարող համարվել ամբողջովին չեզոք միջնորդ Ուկրաինայի շուրջ բանակցություններում՝ Կիևին ցուցաբերվող ռազմական աջակցության պատճառով։
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
