WSJ. ԱՄՆ-ը և Կատարը քննարկում են Իրանի կողմից սառեցված 6 միլիարդ դոլարի օգտագործման հարցը

ԱՄՆ-ը և Կատարը համատեղ աշխատում են մեխանիզմի վրա, որը թույլ կտա Իրանին օգտագործել իր սառեցված ակտիվների մի մասը մարդասիրական ապրանքներ գնելու համար, հաղորդում է The Wall Street Journal-ը (WSJ)՝ հղում անելով աղբյուրներին։

Աղբյուրների համաձայն՝ Թեհրանը սկզբում կարող է հասանելիություն ստանալ Կատարում պահվող 6 միլիարդ դոլարին։ Ակնկալվում է, որ Իրանի Կենտրոնական բանկի խնդրանքով Դոհան թույլ կտա այդ միջոցներն օգտագործել սննդի, դեղորայքի և այլ մարդասիրական ապրանքների համար։ Հրատարակությունը նշում է, որ ամբողջ աշխարհում սառեցված է իրանական մոտ 100 միլիարդ դոլարի միջոցներ, հիմնականում՝ նավթից ստացված եկամուտները, որոնք, պատժամիջոցների պատճառով, մնում են Հնդկաստանի, Իրաքի, Կատարի և Չինաստանի հաշիվներում։

Վաշինգտոնը հույս ունի, որ այս մեխանիզմը թույլ կտա վերահսկել Իրանի ծախսերը, գրում է թերթը։ Թեհրանը դեռևս չի հաստատել ԱՄՆ-ի և Կատարի կողմից մշակվող ծրագիրը, նշում է The Wall Street Journal-ը։