Մեդվեդևը խոսել է Իսրայելի հնարավոր արձագանքի մասին Իրանի շուրջ զարգացումների ֆոնի

Ռուսաստանի Անվտանգության խորհրդի նախագահի տեղակալ Դմիտրի Մեդվեդևը մեկնաբանել է ԱՄՆ–Իրան քննարկվող համաձայնության թեման և կարծիք հայտնել, որ ստեղծված իրավիճակից առավել դժգոհ կարող է մնալ Իսրայելը։ Այդ մասին նա գրել է «Մաքս» սոցիալական հարթակում։

Մեդվեդևի գնահատմամբ՝ Իսրայելում դժգոհություն կա այն պատճառով, որ չեն իրականացել Իրանի քաղաքական համակարգի ամբողջական թուլացման վերաբերյալ սպասումները։ Նրա խոսքով՝ ցանկացած նման համաձայնություն կարող է մնալ անկայուն և նոր լարվածությունների կամ տարածաշրջանային զարգացումների ազդեցության տակ հայտնվել։

Ռուս քաղաքական գործիչը նաև նշել է, որ իր կարծիքով՝ Իրանը չի կարող դիտարկվել որպես պարտված կողմ ԱՄՆ-ի հետ դիմակայության համատեքստում։ Բացի այդ, Մեդվեդևը անդրադարձել է Հորմուզի նեղուցի ռազմավարական նշանակությանը՝ նշելով, որ այն կարող է դառնալ Իրանի կարևոր ազդեցության գործոններից մեկը տարածաշրջանում։

Ավելի վաղ Իրանի արտգործնախարար Աբբաս Արաղչին հայտարարել էր, որ Լիբանանում հրադադարի հաստատումը կարևոր պայման է ԱՄՆ-ի հետ հնարավոր բանակցությունների համար։