Ubisoft-ի համահիմնադիր և հայտնի խաղերի ստեղծողը զոհվել է Ֆրանսիայում

Ֆրանսիական Ouest-France պարբերականի տեղեկություններով՝ Ֆրանսիայում մահացել է Կլոդ Գիյմոն՝ Ubisoft ընկերության համահիմնադիրներից մեկը, որի անունը կապվում է այնպիսի խաղային շարքերի զարգացման հետ, ինչպիսիք են Assassin's Creed, Far Cry և Prince of Persia։

Հաղորդվում է, որ 69-ամյա գործարարը զոհվել է ավիավթարի հետևանքով։ Դեպքը տեղի է ունեցել Ֆրանսիայի Ռեն քաղաքի շրջանում, որտեղ կործանվել է նրա անձնական Cessna 421 ինքնաթիռը։ Ըստ հրապարակման՝ նա պատրաստվում էր մասնակցել La Baule ավիացիոն ակումբի միջոցառմանը։

Վթարի հետևանքով զոհվել է նաև թռիչքային հրահանգիչը։ Դեպքի վայրում իրականացված փրկարարական և հետևանքների վերացման աշխատանքներին ներգրավվել է 29 միավոր հատուկ տեխնիկա։