Ռոսպոտրեբնադզորը մեկնաբանել է Շրի Լանկայում դենգեի բռնկման իրավիճակը

Ռուսաստանի Սպառողների իրավունքների պաշտպանության և մարդու բարեկեցության դաշնային ծառայությունը հայտարարել է, որ վերահսկում է Դենգեի տենդի բռնկման վերաբերյալ տեղեկությունները Շրի Լանկայում և այս պահին Ռուսաստանում հիվանդության տարածման ռիսկ չի տեսնում։

Գերատեսչության տվյալներով՝ տարեսկզբից Շրի Լանկայում գրանցվել է ավելի քան 44 հազար վարակման դեպք և 28 մահ։ Միաժամանակ նշվում է, որ Ռուսաստանում արձանագրվում են միայն ներմուծված առանձին դեպքեր, իսկ տեղային տարածման վտանգ չկա։

Ռոսպոտրեբնադզորը նաև հայտնել է, որ մշակվել և կիրառվում է դենգեի ախտորոշման բարձր զգայունությամբ թեստային համակարգ, որը թույլ է տալիս արագ հայտնաբերել վիրուսը։ Դենգեի տենդը տարածվում է մոծակների միջոցով և առավել հաճախ հանդիպում է Հարավարևելյան և Հարավային Ասիայի, Աֆրիկայի, Օվկիանիայի և Կարիբյան տարածաշրջանի երկրներում։ Հիվանդության հիմնական ախտանշաններն են բարձր ջերմությունը, ուժեղ գլխացավը, սրտխառնոցը, մկանային և հոդային ցավերը, ինչպես նաև մաշկային ցանը։