Արգելափակված նավերը սկսել են անցնել Հորմուզի նեղուցը

Արգելափակված նավերը սկսել են անցնել Հորմուզի նեղուցով ԱՄՆ-ի և Իրանի միջև նախնական պայմանավորվածությունից հետո, որի համաձայն՝ երկրները պայմանավորվել են վերացնել այս ծովային միջանցքով տեղաշարժի բոլոր սահմանափակումները։ Այս մասին հայտնում է The Washington Post-ը։

Տարբեր նավեր, այդ թվում նավթային տանկերներ, արգելափակվել են Պարսից ծոցում փետրվարից, երբ ԱՄՆ-ն և Իսրայելը հարձակում գործեցին Իրանի վրա, իսկ իրանական ուժերը հետագայում վերահսկողության տակ առան կարևոր ջրային ճանապարհը։

«Համաշխարհային Kpler հետախուզական ընկերության վերլուծության համաձայն՝ հինգշաբթի օրը Հորմուզի նեղուցով 25 նավ է անցել»,- ասվում է նյութում։