Վիկտոր Օրբանը զրկվել է Հունգարիայի վարչապետի պաշտոնին վերադառնալու հնարավորությունից

Հունգարիայի նախագահ Թամաշ Շույոկը ստորագրել է սահմանադրության փոփոխությունը, որը սահմանափակում է վարչապետի լիազորությունների ժամկետը։ Այս մասին հայտնել է նախագահական պալատը, փոխանցում է РИА Новости-ն։

Փոփոխությունը ճանաչվել է սահմանադրությանը համապատասխան և չի ազդում ընտրությունների և վարչապետի նշանակման գործընթացի վրա։

Փաստաթուղթը սահմանափակում է կառավարության ղեկավարի լիազորությունները երկու ժամկետով (8 տարի): Այն հետադարձ ուժ ունի, ուստի արգելափակում է նախկին վարչապետ Վիկտոր Օրբանի` պաշտոնին վերադառնալու հնարավորությունը։

«Նախագահը, սահմանադրությամբ տրված լիազորությունների համաձայն, ստորագրել է սահմանադրական փոփոխությունը և հրահանգել այն հրապարակել Պաշտոնական տեղեկագրում»,- ասված է հաղորդագրության մեջ։