Իսրայելի պաշտպանության նախարար. ՑԱՀԱԼ-ի զինվորների համար Լիբանանում որևէ սահմանափակում չի եղել և չկա
Աշխարհ
Իսրայելի պաշտպանության նախարար Իսրայել Կացը հայտարարել է, որ հարավային Լիբանանում գործող զինվորների համար զինված ուժերին սպառնացող վտանգների վերացման հարցում «սահմանափակումներ չկան», հայտնում է The Times of Israel-ը։
«ՑԱՀԱԼ-ի զինվորների համար Լիբանանում սպառնալիքների վերացման գործողություններ իրականացնելու հարցում որևէ սահմանափակում չի եղել և չկա», - ասվում է նրա հայտարարության մեջ։
Ըստ Կացի, «Լիբանանում արշավի ընթացքում ՑԱՀԱԼ-ի բոլոր ձեռքբերումները պահպանվում են», իսկ զորքերը շարունակում են տեղակայված մնալ անվտանգության գոտում և այնտեղ գործել «Հեզբոլլահ» շարժման դեմ։
«Երեկ հայտարարված հրադադարը ՑԱՀԱԼ-ին թողնում է անվտանգության գոտու բոլոր դիրքերում, որը պաշտպանում է հյուսիսային համայնքները», - նշել է նա՝ հավելելով, որ ՑԱՀԱԼ-ը «չի հեռանա Լիբանանի անվտանգության գոտուց»։
Միևնույն ժամանակ Շվեյցարիայում պետք է սկսվեն ԱՄՆ-ի և Իրանի պատվիրակությունների բանակցությունները, որտեղ կենտրոնական թեմաներից մեկը լինելու են Լիբանանի տարածքում իսրայելական ուժերի մարտական գործողությունները։
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
