Ավետ Ավետիսյան փողոցը նախատեսվում է բացել առաջիկա երկու օրում

Երևանի Ավետ Ավետիսյան փողոցի հիմնանորոգման աշխատանքներն ավարտական փուլում են, և փողոցի ամբողջական բացումը սպասվում է առաջիկա օրերին։

Այս մասին պատասխանատուները զեկուցեցին Երևանի քաղաքապետարանի գործակարգավորական նիստի ընթացքում։

«Պլանավորում ենք երկու օրվա մեջ բացել Ավետ Ավետիսյան փողոցը։ Եռաշերտ ասֆալտապատում է տեղի ունենալու, առաջին և երկրորդ շերտերն արված են, մայթի լայնացման աշխատանքներն ավարտված են, ստորգետնյա համակարգը կառուցված է»,-զեկուցվեց նիստի ընթացքում։