Լոնդոնը բացասաբար է արձագանքել ԵՄ գագաթնաժողովի հետաձգմանը Սթարմերի հրաժարականից հետո. FT

Մեծ Բրիտանիայի կառավարությունը հիասթափված է Եվրամիության որոշումից՝ հետաձգել Լոնդոնի և Բրյուսելի միջև հարաբերությունների զարգացմանը նվիրված գագաթնաժողովը՝ վարչապետի առաջիկա փոփոխության ֆոնին, հաղորդում է Financial Times (FT)-ը՝ հղում անելով աղբյուրներին։

Հրատարակության տվյալներով՝ Մեծ Բրիտանիայի վարչապետ Քիր Սթարմերի հրաժարականից հետո Եվրոպական խորհրդի նախագահ Անտոնիո Կոստան հայտարարել է հուլիսի 22-ին կայանալիք գագաթնաժողովի հետաձգման մասին, որը պետք է տեղի ունենար Մեծ Բրիտանիայի վարչապետի իրավահաջորդի հետ։ FT-ն հաղորդում է, որ այս որոշումը անակնկալ էր բրիտանական կողմի համար և նյարդայնացրել բանակցություններին ներգրավվածներին։ Թերթի աղբյուրներից մեկը նշել է, որ Լոնդոնը «հատկապես գոհ չէր» այս քայլից և չէր սպասում իրադարձությունների նման շրջադարձ։

Կոստան հայտարարել է, որ ԵՄ-ն մտադիր է սպասել Մեծ Բրիտանիայի նոր վարչապետի նշանակմանը։ «Հուսով եմ, որ նրա իրավահաջորդը կկարողանա շարունակել մեր հարաբերությունները վերագործարկելու այս դրական ուղին», - Եվրոպական խորհրդի ղեկավարի խոսքերն է մեջբերում FT-ն։