Իրանը հայտարարել է, որ երկրի հրթիռային ծրագիրը Միացյալ Նահանգների հետ քննարկման առարկա չէ

Իրանի հրթիռային ծրագիրը Թեհրանի և Վաշինգտոնի միջև բանակցությունների քննարկման թեմա չէ, ասել է Իրանի արտաքին գործերի նախարարության խոսնակ Էսմայիլ Բաղային՝ ընդգծելով, որ երկիրը չի քննարկի այդ հարցը որևէ կողմի հետ։

«Իրանի պաշտպանական և հրթիռային կարողությունների հարցը բացարձակապես մեր բանակցությունների մաս չի կազմել և երբեք չի լինի որևէ կողմի հետ բանակցությունների առարկա», - ասել է նա ճեպազրույցի ժամանակ։