Ատամնաբույժը նշել է՝ որ դեպքերում է պետք հեռացնել իմաստության ատամը

Ատամնաբույժ, դիմածնոտային վիրաբույժ Լի Կոջանիսը նշել է, որ իմաստության ատամը հեռացնելու անհրաժեշտության մասին կարող են հուշել մի շարք նշաններ։

Մասնագետի խոսքով՝ հիմնական պատճառներից են ատամի սխալ դիրքը, կարիեսի առկայությունը, լնդերի բորբոքումը կամ վարակը, կիստաների կամ գոյացությունների առաջացումը, ինչպես նաև հարևան ատամների վնասումը։

Միաժամանակ բժիշկը նշել է, որ ոչ բոլոր իմաստության ատամներն են պետք հեռացնել։ Եթե ատամը լիարժեք ծլել է, ճիշտ դիրք ունի, հնարավոր է նորմալ մաքրել և պահպանվում է բերանի խոռոչի լավ հիգիենա, այն կարող է պահպանվել՝ պարբերաբար անցնելով հսկողություն։

Նրա խոսքով՝ իմաստության ատամների հետ խնդիրները հաճախ առաջանում են նաև այն պատճառով, որ դրանք գտնվում են բերանի խորքում և դժվար են լիարժեք մաքրվում, այդ պատճառով կարևոր է պարբերաբար այցելել ատամնաբույժի։