Պուտինը հայտարարել է՝ Ռուսաստանը պատրաստ է արագ արձագանքել ցանկացած սպառնալիքի

Ռուսաստանի նախագահ Վլադիմիր Պուտինը հայտարարել է, որ երկիրը պատրաստ է օպերատիվ արձագանքել ինչպես արտաքին, այնպես էլ ներքին ցանկացած սպառնալիքի։

Այս հայտարարությունը նա արել է ուժային և անվտանգության կառույցների բուհերի շրջանավարտների հետ հանդիպման ընթացքում։ Միջոցառմանը մասնակցել են Ռուսաստանի պաշտպանության նախարարության, արտակարգ իրավիճակների նախարարության, անվտանգության և իրավապահ մի շարք կառույցների շրջանավարտներ։

Պուտինի խոսքով՝ երկրի անվտանգության ապահովման հարցերը շարունակում են մնալ պետական առաջնահերթություններից մեկը՝ ներկա պայմաններում։