Փեզեշքիան․ Իրանը չի վստահում ԱՄՆ-ին, բայց հավատարիմ կմնա հուշագրին

Իրանի նախագահ Մասուդ Փեզեշքիանը հայտարարել է, որ Իրանը կկատարի ԱՄՆ-ի հետ հուշագրի շրջանակում ստանձնած իր պարտավորությունները, սակայն Թեհրանը չի վստահում Վաշինգտոնին։

«Բալիստիկ հրթիռների շուրջ ոչ մի բանակցություն չի եղել և չի լինելու։ Մենք անվստահությամբ ենք վերաբերվում ԱՄՆ-ին, քանի որ բանակցությունների ընթացքում երկու անգամ հարձակման ենք ենթարկվել։ Դրա հետ մեկտեղ, մենք միշտ պատրաստ ենք եղել և մնում ենք երկխոսության ու խաղաղության»,- ասել է Փեզեշքիանը, որի խոսքերը հրապարակել է նրա մամուլի ծառայությունը։

Իրանի նախագահն այս մասին հայտարարել է Պակիստանի վարչապետ Շահբազ Շարիֆի հետ հանդիպմանը։ Վերջինիս երկիրը որպես միջնորդ է հանդես գալիս Թեհրանի և Վաշինգտոնի միջև երկխոսությունում։ Փեզեշքիանը նաև հայտարարել է, որ Թեհրանը մտադիր չէ «գլուխ խոնարհել» «անօրինական և անմարդկային» պահանջների առաջ։

«Մենք հավատարիմ ենք նրան, ինչի տակ ստորագրել ենք վերջին պայմանավորվածության մեջ։ Եթե հակառակ կողմը հավատարիմ մնա իր պարտավորություններին և դուրս չգա պայմանավորվածությունների շրջանակից, ապա մենք էլ կգործենք պարտավորություններին համապատասխան»,- հավելել է Իրանի նախագահը։

Ավելի ուշ մամուլի ասուլիսի ժամանակ Փեզեշքիանը Իսլամաբադում կայացած բանակցությունները գնահատել է որպես կառուցողական, ինչպես նաև կրկին անդրադարձել Իրանի հրթիռային ծրագրին՝ ընդգծելով, որ եթե Թեհրանը հրթիռներ չունենար, ապա «Իսրայելն ու ԱՄՆ-ն Իրանը կվարեին այնպես, ինչպես Գազան»։ Ինքը՝ պաշտպանական ներուժը, իրանական կողմը մտադիր չէ մտցնել ԱՄՆ-ի հետ