Atlantic. Եվրոպայում և Աֆրիկայում ԱՄՆ զորքերի հրամանատարը կհայտարարի հրաժարականի մասին

ԱՄՆ-ի Եվրոպայի և Աֆրիկայի բանակի հրամանատար, գեներալ Քրիստոֆեր Դոնահյուն, հունիսի 24-ին կհայտարարի այս ամռանը թոշակի անցնելու իր մտադրության մասին, հաղորդում է The Atlantic-ը՝ հղում անելով իր սեփական աղբյուրներին։

«Դոնահյուն, ինչպես սպասվում է, վաղը կհայտարարի, որ ամռանը կհեռանա իր պաշտոնից, մեզ հայտնել են իրավիճակին ծանոթ երկու աղբյուրներ», - նշվում է հոդվածում։

«Դոնահյուն պաշտպանության նախարար Փիթ Հեգսեթի կողմից բարձրաստիճան զինվորականների զտումների վերջին զոհն է։ Դոնահյուի հանկարծակի հեռանալը՝ ընդամենը 18 ամիս պաշտոնավարելուց հետո, փոփոխության ևս մեկ նշան է», - նշում է հրատարակությունը։