Ֆրանսիայի ազգային գրադարանում հայտնաբերվել են Մոցարտի կորած ստեղծագործությունները

Ֆրանսիայի ազգային գրադարանում (Bibliothèque nationale de France) հայտնաբերվել է Վոլֆգանգ Ամադեուս Մոցարտի մինչ այժմ անհայտ և անավարտ ստեղծագործություն, որը տասնամյակներ շարունակ պահվել է արխիվներում։ Այս մասին հայտնում է El País-ը՝ նշելով, որ ձեռագիրը գրադարանում պահպանվել է ավելի քան երկու դար։

Խոսքը վերաբերում է ֆլեյտայի և տավղի համար նախատեսված յոթ կարճ պիեսներից բաղկացած ձեռագրին, որը Մոցարտը գրել է 1778 թվականին՝ Փարիզում գտնվելու ընթացքում։ Ձեռագիրը հայտնաբերել է գրադարանի կուրատոր Ֆրանսուա-Պիեռ Գուան՝ արխիվային փաստաթղթերի ստուգման ժամանակ։ Մասնագետները ենթադրում են, որ նոտաների մի մասը կարող էր լրացվել նաև կոմպոզիտորի աշակերտուհու կողմից, ով նրա մոտ ֆլեյտա և տավիղ էր ուսանում։

Ուսումնասիրությունների համաձայն՝ ձեռագիրը հետագայում հաստատվել է որպես Մոցարտի աշխատանք, ինչի մասին հայտարարել են նաև Զալցբուրգի Մոցարտիումի մասնագետները։ Ենթադրվում է, որ այն գրադարան է հասել Ֆրանսիական հեղափոխության տարիներին կատարված գույքի բռնագրավումների արդյունքում։ Կորած ստեղծագործությունների հրապարակային առաջին կատարումը տեղի է ունեցել 2026 թվականի հունիսի 21-ին՝ Փարիզում անցկացվող երաժշտական տոնի (Fête de la Musique) շրջանակում։