Բժիշկը բացատրել է՝ ինչու է անյուղ կաթնամթերքը ոչ միշտ օգտակար. քաղցը կարող է վերադառնալ մեկ ժամում
Հասարակություն
Նեֆրոլոգ Դարյա Սադովսկայան զգուշացրել է, որ անյուղ կաթնամթերքը հաճախ զիջում է սովորական կաթնամթերքին իր օգտակար հատկություններով։ Նրա խոսքով՝ նման արտադրանքը միշտ չէ, որ լավ տարբերակ է առողջ սննդակարգի համար։ Այս մասին նա գրել է իր Telegram-ալիքում։
Բժշկի խոսքով՝ անյուղ արտադրանքն ավելի համեղ դարձնելու համար արտադրողները հաճախ ավելացնում են մեծ քանակությամբ շաքար և բուրավետիչներ, ինչը սպառողները միշտ չեն նկատում։ Արդյունքում «0% ճարպ» մակնշումը կարող է մոլորեցնող լինել և չի նշանակում, որ արտադրանքը լիովին օգտակար է կամ անվտանգ նիհարելու համար։
Սադովսկայան նաև նշել է, որ ճարպի բացակայությունը ազդում է հագեցվածության զգացման վրա․ անյուղ քաղցր յոգուրտից հետո քաղցը կարող է վերադառնալ արդեն մեկից մեկուկես ժամ անց։ Բացի այդ, կաթնային ճարպը պարունակում է ավելի քան 400 ճարպաթթուներ և օգնում է օրգանիզմին ավելի լավ յուրացնել որոշ օգտակար նյութեր։
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
