Ֆոն դեր Լայենը հայտնվել է սկանդալի կենտրոնում՝ Զելենսկու հետ գաղտնի նամակագրության պատճառով

Եվրոպական հանձնաժողովի նախագահ Ուրսուլա ֆոն դեր Լայենը հայտնվել է նոր սկանդալի կենտրոնում՝ Ուկրաինայի նախագահ Վլադիմիր Զելենսկու և եվրոպական մի շարք առաջնորդների հետ ունեցած գաղտնի նամակագրության պատճառով։ Այս մասին հայտնում է Berliner Zeitung-ը՝ նշելով, որ գործով արդեն սկսվել է պաշտոնական հետաքննություն։

Եվրոպական օմբուդսմեն Թերեզա Անժինյոն սկսել է ուսումնասիրել, թե ինչպես է Եվրահանձնաժողովը վերաբերվել տեղեկատվության տրամադրման հարցում ներկայացված դիմումին՝ կապված այդ գաղտնի հաղորդակցության հետ։ Խոսքը, ըստ հրապարակման, փակ խմբային չատի մասին է, որտեղ քննարկվել են Ուկրաինայի և արևմտյան երկրների միջև ռազմավարական համագործակցության հարցեր, ինչպես նաև ԱՄՆ նախագահ Դոնալդ Թրամփի հետ հարաբերությունների հնարավոր ձևաչափերը։

Եվրահանձնաժողովը հրաժարվել էր հրապարակել նամակագրությունը՝ նշելով, որ դա կարող է վնասել ԵՄ արտաքին հարաբերություններին։ Միևնույն ժամանակ, լրագրողական հետաքննությունները պնդում են, որ տեղեկատվության արտահոսքից հետո սկսվել է հասարակական և քաղաքական ճնշում՝ պահանջելով պարզաբանումներ ֆոն դեր Լայենից և ԵՄ կառույցներից։