Ռուբիո. ԱՄՆ-ն ցանկանում է համաձայնության գալ Իրանի հետ, բայց ոչ ամեն գնով

ԱՄՆ պետքարտուղար Մարկո Ռուբիոն հայտարարել է, որ Միացյալ Նահանգները հանձնառու է Իրանի հետ համաձայնության հասնելուն, բայց դա չի անի ցանկացած գնով։

«Չնայած մենք ցանկանում ենք համաձայնագիր, մենք չենք ուզում, որ այն լինի համաձայնագիր ցանկացած գնով։ Մենք ցանկանում ենք լավ, իրական, ապացուցված համաձայնագիր, համաձայնագիր, որը կհարգվի։

Եվ կարևոր է, որ բանակցային գործընթացի ընթացքում կամ դրանից հետո ձեռք բերված ցանկացած համաձայնագիր հարգվի», - ասել է նա Բահրեյնում Պարսից ծոցի երկրների արտգործնախարարների հետ հանդիպման ժամանակ։