Կրեմլը բարձր է գնահատել Թրամփի ջանքերը Ուկրաինայի հակամարտության կարգավորման հարցում

Ռուսաստանը բարձր է գնահատում ԱՄՆ նախագահ Դոնալդ Թրամփի ջանքերը՝ ուղղված Ուկրաինայի հակամարտության կարգավորմանը։ Այս մասին հայտարարել է Կրեմլի խոսնակ Դմիտրի Պեսկովը՝ մեկնաբանելով Վաշինգտոնի հնարավոր միջնորդական դերակատարությունը։

Պեսկովի խոսքով՝ վերջերս Թրամփը հայտարարել էր, որ Իրանի շուրջ ստեղծված իրավիճակից հետո պատրաստվում է կրկին կենտրոնանալ Ուկրաինայի հարցի վրա և շարունակել խաղաղ կարգավորման ուղղությամբ իր նախաձեռնությունները։ Կրեմլի ներկայացուցիչը նշել է, որ Մոսկվան շնորհակալ է նման ջանքերի համար և բարձր է գնահատում դրանք։

Նա նաև ընդգծել է, որ ԱՄՆ-ում հասկանում են՝ հակամարտության կարգավորման գործընթացում դժվար է հանդես գալ որպես միջնորդ, եթե երկիրը ներգրավված է հակամարտության կողմերից մեկի աջակցությանը։ Ավելի վաղ ՄԱԿ-ում ԱՄՆ մշտական ներկայացուցչի տեղակալ Դեն Նեգրեան հայտարարել էր, որ Վաշինգտոնը կողմ է հրադադարի հաստատմանն ու Ռուսաստանի և Ուկրաինայի միջև խաղաղ համաձայնության հնարավորինս շուտ ձեռքբերմանը։