Ռուսական շուկան կորցնելու դեպքում Հայաստանի տնտեսությունը կարող է տուժել․ կանխատեսում

Տնտեսագետ Նաիրի Սարգսյանի գնահատմամբ՝ հայկական գյուղատնտեսական արտադրանքի համար ռուսական շուկայի երկարաժամկետ կորուստը կարող է լուրջ ճգնաժամի բերել Հայաստանի տնտեսությանը։ Նրա խոսքով՝ նման զարգացումը կարող է կաթվածահար անել գյուղատնտեսությունը և դրա հետ կապված ամբողջ արտադրական շղթան։

Մասնագետը նշել է, որ հետևանքները կարող են լինել շղթայական՝ գյուղմթերքի վերամշակման ոլորտի անկում, մատակարար ընկերությունների խնդիրներ, գործազրկության աճ և աշխատավարձերի նվազում։ Նրա խոսքով՝ դա կարող է հանգեցնել նաև սոցիալական լարվածության աճի։

Միաժամանակ նշվում է, որ Ռուսաստանը վերջին շրջանում սահմանափակումներ է կիրառել Հայաստանից որոշ գյուղմթերքների ներմուծման նկատմամբ՝ ներառյալ ձկնամթերքը և այլ բուսական արտադրանք։ Ռուսական կողմը հայտարարում է, որ սահմանափակումները պայմանավորված են արտադրողների կողմից որակի վերահսկման խնդիրներով, ոչ թե քաղաքական պատճառներով։