Նեթանյահուն ասել է, որ ԱՄՆ ուշադրությունը կհրավիրի Էրդողանի հռետորաբանությանը

Իսրայելի վարչապետ Բենիամին Նեթանյահուն իր կաբինետի անդամներին ասել է, որ ինքը «շատ լուրջ» է վերաբերվում Թուրքիայի նախագահ Ռեջեփ Թայիփ Էրդողանի հռետորաբանությանը հրեական պետության վերաբերյալ և այս մտահոգությունները կներկայացնի Միացյալ Նահանգների ուշադրությանը։

«Հազիվ օր անցավ, և Էրդողանը կոչ արեց ոչնչացնել Իսրայել պետությունը։ Մենք այս խոսքերը շատ լուրջ ենք ընդունում, քանի որ եթե մենք ինչ-որ բան սովորել ենք մեր ժողովրդի պատմությունից, դա այն է, որ երբ ինչ-որ մեկն ասում է, որ մտադիր է ոչնչացնել ձեզ, նրա խոսքերը պետք է լուրջ ընդունվեն», - ասել է Նեթանյահուն կիրակի օրը կաբինետի նիստում, ըստ Times of Israel-ի։

Վարչապետը ընդգծել է, որ չի անտեսի նման հայտարարությունները «և դրանք կներկայացնի մեր ամերիկացի ընկերների ուշադրությանը»։

Հրատարակության տվյալներով՝ Էրդողանը և այլ բարձրաստիճան թուրք պաշտոնյաներ վերջերս ուժեղացրել են Իսրայելի դեմ ուղղված իրենց սպառնալիքները, իսկ Թուրքիայի ներքին գործերի նախարարը հույս է հայտնել հունիսի սկզբին «Երուսաղեմի ազատագրման» վերաբերյալ։