Չեչնիայում անօդաչու թռչող սարքերի վտանգ է հայտարարվել

Չեչնիայի տարածքում հայտարարվել է անօդաչու թռչող սարքերի վտանգ։ Այս մասին հայտնել է Ռուսաստանի Արտակարգ իրավիճակների կանխարգելման և վերացման միասնական պետական համակարգը, սակայն հավելյալ մանրամասներ դեռևս չեն հրապարակվել։

Այս պահին Չեչնիայի իշխանությունները պաշտոնական մեկնաբանությամբ հանդես չեն եկել, և հայտնի չէ, թե ինչն է դարձել նախազգուշացման պատճառը։

Ավելի վաղ Չեչնիայի ղեկավար Ռամզան Կադիրովը հայտարարել էր, որ կձեռնարկվեն բոլոր անհրաժեշտ միջոցները՝ կանխելու ուկրաինական անօդաչու թռչող սարքերի մուտքը Ռուսաստանի տարածք։ Նա նաև հանձնարարել էր ուժեղացնել անվտանգության համակարգերի աշխատանքը տարածաշրջանում։