CNN. Չորս օրում Հորմուզի նեղուցով անցել է 124 նավ

CNN-ը, հղում անելով Kpler վերլուծական ընկերության տվյալներին, հաղորդում է, որ հունիսի 25-ից ի վեր Հորմուզի նեղուցով անցել է, ընդհանուր առմամբ, 124 հումք տեղափոխող նավ։

Հաղորդագրության համաձայն՝ այս թիվը համեմատելի է Իրանի և ԱՄՆ-ի ու Իսրայելի միջև պատերազմից առաջ նեղուցով ամեն օր անցնող նավերի թվի հետ։

Փետրվարի 28-ին ԱՄՆ-ն և Իսրայելը պատերազմ սկսեցին Իրանի դեմ։ Իրանի խոշոր քաղաքները, այդ թվում՝ Թեհրանը, հարձակման ենթարկվեցին։ Իսլամական հեղափոխության պահապանների կորպուսը (Իրանի էլիտար ռազմական ստորաբաժանումը) հայտարարեց Իսրայելի վրա հարձակվելու լայնածավալ պատասխան գործողության մասին։

Հարվածներ են ստացել նաև Բահրեյնում, Հորդանանում, Իրաքում, Կատարում, Քուվեյթում, ԱՄԷ-ում և Սաուդյան Արաբիայում գտնվող ԱՄՆ ռազմական օբյեկտները։

Ավելին, Իրանի իշխանությունները որոշեցին փակել Հորմուզի նեղուցը ԱՄՆ-ի, Իսրայելի և Իսլամական Հանրապետության դեմ ագրեսիան աջակցող երկրների հետ կապված նավերի համար։ Հորմուզի նեղուցով է անցնում համաշխարհային նավթային առևտրի մոտ 25%-ը և հեղուկացված բնական գազի մոտ 20%-ը։