Իրանի արտաքին գործերի նախարարությունը հերքել է հունիսի 30-ին Դոհայում ԱՄՆ-ի հետ խորհրդակցությունների մասին տեղեկությունները

Իրանի փոխարտգործնախարար Քազեմ Ղարիբաբադին, որը ԱՄՆ-ի հետ հուշագրի իրականացման բանակցային խմբի անդամ է, հերքել է այն տեղեկությունները, որ ԱՄՆ-ի հետ տեխնիկական խորհրդակցությունները կսկսվեն այս շաբաթ Դոհայում։

«Աշխատանքային խմբերի տեխնիկական հանդիպումներ այս շաբաթ նախատեսված չեն։ Չնայած Կատարի հետ խորհրդակցությունները, այդ թվում՝ մյուս կողմի կողմից իր պարտավորությունների կատարման մոնիթորինգի վերաբերյալ, շարունակվում են սովորականի պես, որոշ լրատվամիջոցների հաղորդագրությունները աշխատանքային խմբերի միջև Դոհայում տեխնիկական բանակցությունների մասին չեն հաստատվում», - լրագրողներին ասել է նա։

Ավելի վաղ Axios-ի լրագրող Բարաք Ռավիդը հայտարարել էր, որ ԱՄՆ-ի և Իրանի ներկայացուցիչները համաձայնության են եկել փոխադարձաբար դադարեցնել հարվածները և հունիսի 30-ին Դոհայում խորհրդակցություններ անցկացնել՝ Հորմուզի նեղուցի շուրջ վեճը լուծելու համար։