Մակրոնը առաջարկել է օտարերկրյա բիզնեսից լրացուցիչ հարկերով ֆինանսավորել ԵՄ բյուջեն

Politico-ի փոխանցմամբ՝ Ֆրանսիայի նախագահ Էմանուել Մակրոնը հանձնարարել է իր վարչակազմին ուսումնասիրել Եվրոպական միության բյուջեի ֆինանսավորման համար նոր հարկային աղբյուրների ստեղծման հնարավորությունը, այդ թվում՝ օտարերկրյա ընկերությունների համար։

Խոսքը վերաբերում է այն ծրագրին, որով ԵՄ-ն 2028–2034 թվականների ընթացքում նախատեսում է շուրջ 2 տրիլիոն եվրոյի բյուջե ձևավորել։ Նախաձեռնության համաձայն՝ առաջարկվում է ավելի մեծ հարկեր սահմանել օտարերկրյա բիզնեսի, այդ թվում՝ ամերիկյան տեխնոլոգիական ընկերությունների և շրջակա միջավայրի վրա ազդեցություն ունեցող ձեռնարկությունների նկատմամբ։

Ըստ հրապարակման՝ գաղափարը պայմանավորված է նրանով, որ ԵՄ անդամ երկրները դեռևս չեն կարողացել համաձայնության գալ բյուջեի լրացուցիչ եկամուտների շուրջ։ Նախաձեռնությունը միաժամանակ հանդիպել է որոշ երկրների դիմադրությանը, որոնք մտահոգված են, որ նման քայլերը կարող են բացասաբար ազդել եվրոպական արդյունաբերության վրա։