Մոսկվայում Telegram-ը տուգանվել է 3,5 միլիոն ռուբլու չափով

Մոսկվայի Տագանյան դատարանը տուգանել է Telegram մեսենջերին 3,5 միլիոն ռուբլու չափով։ Այս մասին հայտնում է РИА Новости գործակալությունը՝ նշելով, որ որոշումը կայացվել է վարչական իրավախախտման վերաբերյալ գործի շրջանակում։

Դատարանը ընկերությանը մեղավոր է ճանաչել Ռուսաստանի վարչական օրենսգրքի 13.50 հոդվածի 2-րդ մասի խախտման համար։ Ըստ հաղորդագրության՝ Telegram-ը հրաժարվել է իրականացնել Ռուսաստանում արգելված բովանդակության մոնիթորինգ։

Գործը վերաբերում է երկրի օրենսդրությամբ արգելված նյութերի վերահսկման պարտավորություններին, որոնք, իշխանությունների գնահատմամբ, հարթակը չի կատարել պատշաճ կերպով։