ՄԱԿ. Եվրոպայում շոգի ալիքը հանգեցրել է ռելսերի ծռման և ասֆալտի հալման

Արևմտյան Եվրոպայում ծայրահեղ շոգը երկաթուղային գծերի ծռման և ասֆալտի հալման պատճառ է դարձել, ինչը հանգեցրել է գնացքների ուշացումների և չեղարկումների, տրանսպորտային ենթակառուցվածքների խափանումների և գետային նավարկության սահմանափակումների, ըստ ՄԱԿ-ի Եվրոպայի տնտեսական հանձնաժողովի (UNECE) խոսնակ Ժան Ռոդրիգեսի։

Նրա խոսքով՝ Արևմտյան Եվրոպային հարվածած ուժեղ ջերմային ալիքը վառ կերպով ցույց տվեց կլիմայական ռիսկերը, ինչպես նաև դրանց ազդեցությունն ու հետևանքները տրանսպորտային ենթակառուցվածքների վրա։

«Ահա մի քանի օրինակ՝ գնացքների ուշացումներ և չեղարկումներ շատ երկրներում՝ երկաթուղային դեֆորմացիայի պատճառով, սահմանային սարքավորումների անսարքություն, գնացքների անսարքություններ և լայնացված գծերի վրա կինետիկ բեռը նվազեցնելու համար անհրաժեշտ արագության նվազում, մալուխային և ազդանշանային սարքավորումների կոտրվածքներ, ասֆալտի հալում և դեֆորմացիա, լուսացույցերի խափանումներ, որոնք հանգեցնում են քաղաքներում խցանումների, գետային նավարկության խոչընդոտներ, որոնք դանդաղեցնում են գետային երթևեկությունը և շատ այլ օրինակներ», - ասել է նա Ժնևում կայացած ճեպազրույցի ժամանակ։