ԱՄՆ-ի և Իրանի պատվիրակությունները անուղղակի բանակցություններ են սկսել Դոհայում

Դոհայում սկսվել են ԱՄՆ-ի և Իրանի պատվիրակությունների միջև անուղղակի բանակցություններ, որոնք կազմակերպվել են Կատարի միջնորդությամբ, հաղորդում է Al Arabiya-ն՝ հղում անելով աղբյուրներին։

Աղբյուրի փոխանցմամբ՝ ամերիկյան պատվիրակությունն արդեն սկսել է խորհրդակցություններ Կատարի ներկայացուցիչների հետ։

Այս կապակցությամբ Reuters-ը, հղում անելով իրանցի բարձրաստիճան պաշտոնյայի, հայտնել է, որ Վաշինգտոնի և Թեհրանի միջև անուղղակի շփումները շարունակվում են երեքշաբթի երեկոյան ամիրայության մայրաքաղաքում։ Աղբյուրի փոխանցմամբ՝ իրանական կողմը հանդիպումներ է ունեցել Կատարի և Պակիստանի ներկայացուցիչների հետ, որոնք, այնուհետև, տեղեկատվությունը փոխանցել են ամերիկյան պատվիրակությանը։

Աղբյուրը պարզաբանել է, որ անուղղակի բանակցությունները շարունակվել են չորեքշաբթի օրը, որոնց հիմնական թեման է եղել «Իրանի սառեցված ակտիվները և Հորմուզի նեղուցը»։