Մերցը հայտարարել է ՆԱՏՕ-ն «ավելի եվրոպական» դարձնելու իր ցանկության մասին

Գերմանիայի կանցլեր Ֆրիդրիխ Մերցը հայտարարել է Հյուսիսատլանտյան դաշինքի եվրոպական ուղղությունն ամրապնդելու իր ցանկության մասին։

«Մենք, ընդհանուր առմամբ, ցանկանում ենք ՆԱՏՕ-ն դարձնել ավելի եվրոպական։ Մենք՝ եվրոպացիներս, ավելի շատ պատասխանատվություն ենք ստանձնում ՆԱՏՕ-ի շրջանակներում և նվազեցնում ենք մեր միակողմանի տրանսատլանտյան կախվածությունը», - ասել է նա լրագրողներին կառավարության նիստից հետո։ Մերցը հիշեցրել է, որ Գերմանիան նախատեսում է հասնել մինչև 2029 թվականը պաշտպանական ծախսերը ազգային ՀՆԱ-ի 3.5%-ին հասցնելու նպատակին։

«Մենք այս միջոցները միասին ենք իրականացնում. մենք չենք ցանկանում որևէ միակողմանի ազգային քայլ ՆԱՏՕ-ի շրջանակներում», - պնդել է կանցլերը։

Կառավարության նիստը երկրորդ անգամ անցկացվել է Գերմանիայի պաշտպանության նախարարությունում։ Օրակարգը հիմնականում կենտրոնացած էր անվտանգության հարցերի և պաշտպանական կարողությունների ամրապնդման վրա։ ՆԱՏՕ-ի գլխավոր քարտուղար Մարկ Ռյուտեն ներկա էր որպես հյուր։