Մեկ օրում բացահայտվել է 177 հանցագործություն, գրանցվել՝ 17 ՃՏՊ

Ոստիկանության ամփոփագրի համաձայն՝ անցած մեկ օրում հանրապետությունում բացահայտվել է 177 հանցագործություն, որոնցից 2-ը՝ նախկինում կատարված։ Ամենաշատը գրանցվել են տրանսպորտային միջոց վարելու իրավունք չունեցող կամ իրավունքից զրկված անձանց կողմից մեքենա վարելու (35), խարդախության (18), ֆիզիկական ներգործության (15), մարմնական վնասվածք պատճառելու (14) և թմրամիջոցների հայտնաբերման (12) դեպքերը։

Նույն ժամանակահատվածում հայտնաբերվել է 12 հետախուզվող, կամավոր ներկայացել՝ 3-ը, իսկ զենք-զինամթերքի կամավոր հանձնման 5 դեպք է գրանցվել։

Վերջին մեկ օրում հանրապետությունում տեղի է ունեցել 17 ճանապարհատրանսպորտային պատահար, որոնց հետևանքով 2 մարդ զոհվել է, 22-ը՝ ստացել տարբեր աստիճանի մարմնական վնասվածքներ։