Աննա Սեդոկովան առաջին անգամ պատմել է նախկին ամուսնու կողմից ենթադրյալ բռնության մասին

Երգչուհի Աննա Սեդոկովան առաջին անգամ հրապարակավ հայտարարել է, որ նախկին ամուսինը՝ բասկետբոլիստ Յանիս Տիմման, իր նկատմամբ ֆիզիկական բռնություն է գործադրել։ Այդ մասին նա գրել է Instagram-ի իր էջում։

Սեդոկովայի խոսքով՝ Տիմման ագրեսիայի խնդիրներ ուներ։ Նա պատմել է, որ Սուրբ Վալենտինի օրը նախկին ամուսինը դաժան ծեծի է ենթարկել իրեն, իսկ հաջորդ առավոտ ստիպված է եղել երեխաներից թաքցնել դեմքի կապտուկները։ Երգչուհու խոսքով՝ Տիմման հետագայում ներողություն էր խնդրել, սակայն ընտանիքի անդամները սկսել էին վախենալ նրանից։

Սեդոկովան նաև հրապարակել է լուսանկար, որտեղ, ըստ նրա, Տիմման քնած է՝ ձեռքին դանակ։ Երգչուհին պնդել է, որ նա դանակը նետել է իր ուղղությամբ, իսկ որպես իր խոսքերի ապացույց՝ ցույց է տվել պատի վրա մնացած անցքերը։ Հիշեցնենք, որ Յանիս Տիմման մահացած էր հայտնաբերվել 2024 թվականի դեկտեմբերի 17-ին Մոսկվայում՝ Աննա Սեդոկովայից ամուսնալուծվելուց կարճ ժամանակ անց։