Բաշար Ասադի աշխատակազմը հերքել է նրա կնոջ հղիության մասին լուրերը

Սիրիայի նախագահ Բաշար Ասադի մամլո քարտուղարությունը հերքում է լիբանանյան և արևմտյան ԶԼՄ-ներում տարածված լուրերն այն մասին, թե նախագահի կին Ասմա Ասադը հղի է: Մամլո ծառայությունն իր ֆեյսբուքյան էջում հաղորդագրություն էր տարածել, ինչպես նաև լուսանկարներ տեղադրել, որոնք բացառում են Սիրիայի առաջին տիկնոջ` հղիության վերջին ամիսներն ապրելու մասին լուրերը:

Լուսանկարներում 37-ամյա Ասմա Ասադը նվերներ է բաժանում համասիրիական գիտական օլիմպիադային մասկացություն ցուցաբերած ավելի քան 30 հազար դպրոցականներին: Նկարների վրա նշված է եղել 2013թ., հունվարի 22 ամսաթիվը:

Հիշեցնենք, որ երեքշաբթի օրը Washington Post–ը գրել էր, թե Բաշար և Ասմա Ասադները գարնանը սպասում են իրենց 4-րդ զավակի լույս աշխարհ գալուն: