TWZ․ Су-57-ը կարող է կիրառվել անօդաչու սարքերի և թևավոր հրթիռների որսի համար

Ամերիկյան TWZ պարբերականը գրում է, որ ռուսական հինգերորդ սերնդի Սու-57 կործանիչը՝ 101ԿՍ-Ն կախովի նշանառման համալիրով և «օդ-օդ» դասի հրթիռներով, կարող է նախատեսված լինել անօդաչու կամիկաձե սարքերի և թևավոր հրթիռների ոչնչացման համար։

Հրապարակման հեղինակը ուշադրություն է հրավիրել Սու-57-ի լուսանկարին, որտեղ ինքնաթիռի ձախ շարժիչի հատվածում երևում է 101ԿՍ-Ն-ին նման նշանառման կախովի համալիր։ Բացի այդ, կործանիչը զինված է եղել Ռ-74 կարճ հեռահարության կառավարվող «օդ-օդ» հրթիռներով, որոնք նախատեսված են մոտ տարածությունից օդային թիրախներ խոցելու համար։

TWZ-ը նշում է, որ չի կարող վերջնականապես հաստատել այս գնահատականը, սակայն ենթադրում է, որ նման զինվածությամբ Սու-57-ը կարող է օգտագործվել ուկրաինական կամիկաձե անօդաչու թռչող սարքերի և թևավոր հրթիռների դեմ պայքարում։ Ավելի վաղ հայտնի էր դարձել, որ Սու-57-ը փորձնական թռիչքներ էր իրականացրել 101ԿՍ-Ն ունիվերսալ հետախուզական և նշանառման կախովի համալիրով։