Վենեսուելայի իշխանությունները մահացածներին չեն թաղի զանգվածային գերեզմաններում
Աշխարհ
Վենեսուելայի իշխանությունները ավերիչ երկրաշարժերի ժամանակ զոհվածներին չեն թաղի զանգվածային գերեզմաններում։ Բոլոր մարմինները կճանաչվեն ազգային և միջազգային արձանագրությունների համաձայն, հայտարարել է երկրի նախագահական հանձնակատար Դելսի Ռոդրիգեսը։
«Ես անմիջապես ասացի. ոչ ոք չի թաղվի զանգվածային գերեզմանում։ Եվ իմ տված առաջին հրամանը մատնահետքերի միջոցով նույնականացումն էր։ Եթե դա հնարավոր չէ, կօգտագործվեն լուսանկարներ, որին կհաջորդի դատաբժշկական ատամնաբուժական փորձաքննություն», – մամուլի ասուլիսում ասել է Ռոդրիգեսը։
Նրա խոսքով՝ Լա Գուայրա նահանգում այդ նպատակով ստեղծվել է մասնագիտացված ժամանակավոր ծառայություն, որին մասնակցում են Ազգային դատաբժշկական ծառայությունը, գլխավոր դատախազի գրասենյակը և քաղաքացիական կացության ակտերի գրանցման գրասենյակները: Յուրաքանչյուր մահացած անձի համար ստեղծվում է առանձին գործ, որը թույլ կտա պարզել նրա ինքնությունը և մարմինը վերադարձնել հարազատներին:
«Բոլոր դատաբժշկական փորձագետներն աշխատում են ապահովելու համար, որ յուրաքանչյուր մահացած ունենա գործ, որը թույլ կտա նրանց նույնականացնել: Որոշ դեպքերում հարազատներն արդեն պահանջել են մարմինները. ոմանք որոշել են դիակիզել, ոմանք՝ թաղել», – հավելել է նա:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
