Պետդեպարտամենտ. ԱՄՆ-ը աջակցում է Պակիստանի կողմից Աֆղանստանի վրա հարվածները որպես ինքնապաշտպանության ակտ
Աշխարհ
ԱՄՆ Պետդեպարտամենտի հայտարարության համաձայն՝ Միացյալ Նահանգները Պակիստանի կողմից Աֆղանստանի տարածքում իրականացված օդային հարվածները համարում է ինքնապաշտպանության ակտ։
«Վաշինգտոնը աջակցում է Պակիստանի ինքնապաշտպանության իրավունքին՝ ի պատասխան ահաբեկչական հարձակումների։ Պակիստանի ժողովուրդը մեծապես տուժել է ահաբեկիչների ձեռքից», - ասել է Պետդեպարտամենտի խոսնակը՝ ըստ Reuters-ի։
ՄԱԿ-ի տվյալներով՝ հունիսի 29-ին Աֆղանստանի սահմանային շրջանների վրա Պակիստանի օդային հարվածների հետևանքով զոհվել է առնվազն 28 խաղաղ բնակիչ։ Դրանից հետո աֆղանական ուժերը մի շարք օդային հարվածներ են հասցրել Պակիստանի տարածքում։
Փետրվարի 26-ի երեկոյան Պակիստան-Աֆղանստան սահմանին վերսկսվել են մարտական գործողությունները։ Քաբուլը հայտարարել է, որ ռազմական գործողություն է իրականացնում՝ ի պատասխան Աֆղանստանի տարածքում իրականացված Պակիստանի օդային հարվածների։
Պակիստանի պաշտպանության նախարար Խավաջա Ասիֆը հայտարարել է, որ իր երկիրը և Աֆղանստանի թալիբների կառավարությունը այժմ գտնվում են բաց զինված հակամարտության մեջ։
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
