Ռուբիոն մերժել է Պենտագոնի ղեկավարի՝ Եվրոպայում զորքերի թվաքանակը կրճատելու ծրագիրը

ԱՄՆ նախագահի վարչակազմը մերժել է Պենտագոնի քարտուղար Փիթ Հեգսեթի՝ Եվրոպայում ԱՄՆ ուժերի կրճատման ծրագիրը, հաղորդում է Wall Street Journal-ը՝ հղում անելով աղբյուրներին։

Հրապարակումը նշում է, որ պատերազմի նախարարը և նրա տեղակալ Էլբրիջ Քոլբին ակտիվորեն պաշտպանում են զորքերի մասնակի դուրսբերումը տարածաշրջանից՝ Չինաստանին հակազդելու համար ռեսուրսներ ազատելու նպատակով։

Ըստ Wall Street Journal-ի՝ Հեգսեթը մտադիր էր իր առաջարկության մանրամասները բացահայտել հունիսին ՆԱՏՕ-ի բարձրագույն ռազմական ղեկավարության հետ հանդիպման ժամանակ։

Սակայն, երբ ծրագրերը ներկայացվել են Դոնալդ Թրամփի ազգային անվտանգության հարցերով խորհրդական Մարկո Ռուբիոյին և այլ բարձրաստիճան պաշտոնյաների, դրանք մերժվել են։ Հետևաբար, Պենտագոնի ղեկավարը սահմանափակվել է ուժերի տեղակայման վերանայման մասին հայտարարելով։