Նորվեգացի փորձագետը համաձայնել է Մեդվեդևի գնահատականին Ֆինլանդիայի վերաբերյալ

Հարավարևելյան Նորվեգիայի համալսարանի պրոֆեսոր Գլեն Դիզենը մեկնաբանել է Ռուսաստանի Անվտանգության խորհրդի փոխնախագահ Դմիտրի Մեդվեդևի հայտարարությունը Ֆինլանդիայի վերաբերյալ՝ նշելով, որ «նա ճիշտ է»։ Այդ մասին հաղորդում է ՏԱՍՍ-ը։

Դիզենի խոսքով՝ Ֆինլանդիան վերջին շրջանում դարձել է Արևմուտքի կարևորագույն հենակետերից մեկը Ռուսաստանի սահմանների մոտ, սակայն երկրի տարածքում սպառազինության ավելացումը ինքնին չի նշանակում անվտանգության բարձրացում։ Նա հիշեցրել է, որ Ֆինլանդիան երկար տարիներ վարել է չեզոք քաղաքականություն, սակայն հունիսի վերջին երկրի խորհրդարանը հավանություն է տվել օրենսդրական փոփոխություններին, որոնք վերացնում են միջուկային զենքի ներմուծման, արտադրության, պահպանման և օգտագործման արգելքը։

Ավելի վաղ Դմիտրի Մեդվեդևը հայտարարել էր, որ այդ որոշումից հետո Ֆինլանդիայի տարածքը կարող է հայտնվել Ռուսաստանի միջուկային թիրախների ցանկում։ Իր հերթին Ֆինլանդիայի պաշտպանության նախարար Անտտի Հյակյանեն նշել էր, որ օրենսդրական փոփոխությունները պայմանավորված են երկրի պաշտպանունակության ապահովման անհրաժեշտությամբ։