Գերմանիայում ապաստան խնդրողների թիվը կտրուկ նվազել է

Գերմանիայում ապաստան հայցողների թիվը զգալիորեն նվազել է 2026 թվականի առաջին վեց ամիսներին՝ նախորդ տարվա նույն ժամանակահատվածի համեմատ։ Այս մասին գրում է dpa գործակալությունը՝ հղում անելով Գերմանիայի ներքին գործերի դաշնային նախարարության տվյալներին։

Նախարարության տվյալներով՝ 2026 թվականի առաջին վեց ամիսներին Գերմանիայում փախստականի կարգավիճակ ստանալու համար առաջին անգամ դիմել է 39 646 մարդ։ Անցյալ տարվա առաջին վեց ամիսներին Միգրացիայի և փախստականների դաշնային գրասենյակը (BAMF) ստացել է 61 336 նման դիմում։ 2024 թվականի նույն ժամանակահատվածում երկրի իշխանությունները ստացել են շուրջ 121 հազար նման միջնորդություններ։

Ապաստան հայցողները հիմնականում եկել են Աֆղանստանից, Սիրիայից, Թուրքիայից և Սոմալիից։