Պեսկովի կոշտ ուղերձը Զելենսկուն․ «Մոսկվան է մայրաքաղաքը, ոչ թե Կոնստանտինովկան»

«Վլադիմիր Զելենսկին կարող է Մոսկվա այցելել, երբ պատրաստ լինի ընդունելու կարևոր և պատասխանատու որոշումներ»,- հայտնում է РИА Новости-ն՝ հղում անելով Ռուսաստանի նախագահի մամուլի քարտուղար Դմիտրի Պեսկովին, ով այս մասին հայտարարել է «Ռադիո ԿՊ»-ի եթերում։

Պեսկովի խոսքով՝ Կիևում հստակ գիտեն, թե ինչ որոշումների մասին է խոսքը։

Զելենսկին նախկինում առաջարկել էր Ռուսաստանի նախագահ Վլադիմիր Պուտինի հետ հանդիպում անցկացնել Կոնստանտինովկայում։ Սակայն մեկ օր առաջ հայտնի էր դարձել, որ Ռուսաստանի զինված ուժերը հայտարարել են քաղաքի «ազատագրման» մասին։

Պեսկովը նաև նշել է, որ եթե Զելենսկու առաջարկը Կոնստանտինովկայում հանդիպման վերաբերյալ իրականում ենթադրում է Ռուսաստան այցելելու պատրաստակամություն, ապա Կրեմլը դա ողջունում է։ Միաժամանակ նա հիշեցրել է, որ նախագահ Պուտինը նախկինում հայտարարել էր՝ պատրաստ է Զելենսկուն ընդունել Մոսկվայում։

«Եթե պարոն Զելենսկին այս կերպ արտահայտում է իր պատրաստակամությունը գալու Ռուսաստանի Դաշնություն, մենք դա ողջունում ենք։ Սակայն ուզում եմ հիշեցնել, որ նախագահ Պուտինը խոսել է նրան Մոսկվայում ընդունելու իր պատրաստակամության մասին։ Ռուսաստանի մայրաքաղաքը Մոսկվան է, ոչ թե Կոնստանտինովկան»,- նշել է Պեսկովը «Ռադիո ԿՊ»-ի եթերում։