Շաբաթվա ընթացքում Ազգային ժողով են այցելել Հայաստանի եւ մայրաքաղաքի ուսումնական հաստատությունների ներկայացուցիչներ
Հայաստան
ԱԺ պաշտպանության եւ անվտանգության հարցերի մշտական հանձնաժողովի նախագահի տեղակալ Արմեն Խաչատրյանը հյուրընկալել է Սյունիքի մարզի Գորիսի բազմագործառութային պետական քոլեջի ուսանողներին ու դասախոսներին, տեղեկացնում են ԱԺ-ից։
«Տավուշի մարզի Ազատամուտ, Աչաջուր եւ Այգեհովիտ գյուղերի աշակերտների հետ հանդիպել է պատգամավոր Հասմիկ Հակոբյանը: Հանդիպմանը մասնակցել են նաեւ Երեւանի պետական համալսարանի ուսանողներ:
Խորհրդարանական Տիգրան Պարսիլյանը զրուցել է Շիրակի մարզի Արթիկի թիվ 1 հիմնական դպրոցի աշակերտների եւ ուսուցիչների հետ:
Հանդիպումների ընթացքում պատգամավորները ներկայացրել են խորհրդարանի գործունեությունն ու հիմնական գործառույթները, անդրադարձել երիտասարդությանը հուզող հարցերին:
Հյուրերը հնարավորություն են ունեցել ԱԺ նիստերի դահլիճի օթյակից հետեւել խորհրդարանի արտահերթ նստաշրջանի աշխատանքին:
Այցելուները եղել են նաեւ օրենսդիր մարմնի գրադարանում ու թանգարանում»,-ասված է հաղորդագրության մեջ:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
