Ռուսաստանի Կենտրոնական բանկը բարձրացրել է դոլարի, եվրոյի և յուանի պաշտոնական փոխարժեքները

Ռուսաստանի Կենտրոնական բանկը հուլիսի 7-ի համար բարձրացրել է արտարժույթների պաշտոնական փոխարժեքները։ Այդ մասին հայտնել է կարգավորիչի մամուլի ծառայությունը։

Նոր տվյալներով՝ ԱՄՆ դոլարի պաշտոնական փոխարժեքն աճել է ավելի քան 70 կոպեկով՝ 77,22 ռուբլուց հասնելով 77,96 ռուբլու։ Եվրոն նույնպես թանկացել է՝ 88,03 ռուբլուց բարձրանալով մինչև 89,26 ռուբլի, իսկ չինական յուանի փոխարժեքը աճել է գրեթե 7 կոպեկով՝ 11,38-ից հասնելով 11,45 ռուբլու։

«Ալֆա-Ֆորեքս»-ի ներդրումային ռազմավարությունների հետազոտությունների բաժնի ղեկավար Սպարտակ Սոբոլևի գնահատմամբ՝ առաջիկա շաբաթվա ընթացքում դոլարի փոխարժեքը, մեծ հավանականությամբ, կպահպանվի 75-80 ռուբլու միջակայքում։ Նրա խոսքով՝ իրավիճակի վրա կազդեն նաև Ֆինանսների նախարարության արժութային ինտերվենցիաների կրճատումը և համաշխարհային նավթի գների երկարատև անկման հետևանքով ռուսական հումքային արտահանողների եկամուտների նվազման սպասումները։