Ֆոն դեր Լայեն. 2028-2034 թվականներին ԵՄ ռազմական բյուջեն կգերազանցի 200 միլիարդ եվրոն

Եվրոպական Միության 2028-2034 թվականների յոթամյա բյուջեում ռազմական հատկացումները կգերազանցեն 200 միլիարդ եվրոն։ Այս մասին հայտարարել է Եվրոպական հանձնաժողովի նախագահ Ուրսուլա ֆոն դեր Լայենը՝ ելույթ ունենալով Անկարայում ՆԱՏՕ-ի գագաթնաժողովի շրջանակներում Պաշտպանական արդյունաբերության ֆորումում։

«ԵՄ նոր բազմամյա բյուջեն կներառի 131 միլիարդ եվրոյի հատկացումներ ռազմական կարողությունների և 71 միլիարդ եվրոյի հատկացումներ ռազմական շարժունակության համար (ճանապարհների, կամուրջների և թունելների արդիականացում՝ Եվրոպայում ռազմական բեռների և ծանր ռազմական տեխնիկայի տեղափոխման համար)», - ասել է ֆոն դեր Լայենը։

Նա նաև հիշեցրել է ԵՄ անդամ պետությունների ռազմական ծախսերի աջակցության ԵՄ ծրագրերը, որոնք, նրա կարծիքով, կարող են մինչև 2030 թվականը ԵՄ-ում ռազմական կարիքների համար ներգրավել մինչև 950 միլիարդ եվրո։

ԵՄ 2028-2034 թվականների յոթամյա բյուջեն կլինի առաջինը համայնքի պատմության մեջ՝ ռազմական ծախսերի այդքան զգալի ծավալով։