WP. ԱՄՆ Կոնգրեսում շատերը դեմ են Թուրքիային F-35-ների հնարավոր վաճառքին

ԱՄՆ Կոնգրեսի բազմաթիվ օրենսդիրներ՝ թե՛ դեմոկրատ, թե՛ հանրապետական, դեմ են ամերիկյան F-35 կործանիչների հնարավոր վաճառքին Թուրքիային, հաղորդում է The Washington Post-ը։

Ըստ The Post-ի, երկու կուսակցություններից Կոնգրեսի անդամները մտահոգություն են հայտնել F-35-ների հնարավոր վաճառքի վերաբերյալ։ Թերթը նշում է, որ դեռևս պարզ չէ, թե արդյոք ԱՄՆ նախագահ Դոնալդ Թրամփին մոտ կանգնած հանրապետականների կողմից վերահսկվող Կոնգրեսը կփորձի խոչընդոտել հնարավոր գործարքը։ Թերթը գնահատում է, որ Կոնգրեսի շատ անդամներ դեմ են դրան։

Իր հերթին, Politico-ն ընդգծել է, որ Թրամփի հայտարարությունը Թուրքիային F-35-ների հնարավոր վաճառքի մասին «բողոքի փոթորիկ է առաջացրել» Կոնգրեսում։ Politico-ի մեջբերմամբ՝ Ներկայացուցիչների պալատի անդամ Մայք Լոուլերը (հանրապետական, Նյու Յորք) ասել է, որ «Թուրքիային ամենաժամանակակից կործանիչների վաճառքը չի համապատասխանում Միացյալ Նահանգների շահերին»։

«Թուրքիայի վերադարձը F-35 ծրագրին, մինչդեռ այն ունի ռուսական S-400 հակաօդային պաշտպանության համակարգեր, անօրինական է», - ասել է Ներկայացուցիչների պալատի անդամ Բրեդ Շնայդերը (դեմոկրատ, Իլինոյս)։