Տուվայում անհետացած 12-ամյա երկու աղջիկների որոնումներին ներգրավվել է ավելի քան 700 մարդ

Տուվայի Հանրապետությունում անհետացած 12-ամյա երկու աղջիկների որոնողական աշխատանքներին ներգրավվել է 717 մարդ և 180 միավոր տեխնիկա, այդ թվում՝ 12 անօդաչու թռչող սարք։ Այդ մասին հայտնում է Ռուսաստանի ԱԻՆ-ը։

Գերատեսչության տվյալներով՝ որոնողափրկարարական խմբերը վերջին մեկ օրում հետազոտել են Իյի-Տալ գյուղից մինչև Շագոնար քաղաք ձգվող 110 կիլոմետր ափամերձ հատվածը։ Քաղաքացիական պաշտպանության և արտակարգ իրավիճակների ծառայության աշխատակիցները ստուգել են ևս 271 կիլոմետր տարածք՝ Կիզիլի կամրջից մինչև Շագոնար, ինչպես նաև ուսումնասիրել շուրջ 267 կղզի։

Բացի այդ, ԱԻՆ-ի անօդաչու ավիացիայի մասնագետները կատարել են ութ թռիչք և օդից հետազոտել 29 կիլոմետր տարածք՝ Հայիրականից մինչև Շագոնար։

Երկու աղջիկների անհետացման մասին հայտնի էր դարձել անցած շաբաթ։ Նրանք հուլիսի 1-ի երեկոյան դուրս էին եկել տնից և չեն վերադարձել։ Նրանց բջջային հեռախոսները հայտնաբերվել էին Ենիսեյ գետի ափին, իսկ մոտ 400 մետր հեռավորության վրա՝ կոշիկները։ Մի քանի օր անց ջրից դուրս էր բերվել նաև աղջիկներից մեկի հողաթափը։ Դեպքի առթիվ հարուցվել է քրեական գործ։