Հունաստանը խնդրել է, որ Թուրքիային F-35-ներ վաճառելիս հաշվի առնվեն իր շահերը

Թուրքիան պատերազմով է սպառնում Հունաստանին, եթե Աթենքը օգտագործի իր տարածքային ջրերը 6-12 ծովային մղոն ընդլայնելու իր օրինական իրավունքը: Հետևաբար, F-35 կործանիչների վաճառքը Անկարային պետք է որոշվի՝ հաշվի առնելով ՆԱՏՕ-ի բոլոր անդամների, այդ թվում՝ Հունաստանի շահերը: Այս մասին Անկարայում ՆԱՏՕ-ի գագաթնաժողովի շրջանակներում հայտարարել է Հունաստանի վարչապետ Կիրիակոս Միցոտակիսը։

Լրագրողների հարցին, թե արդյոք Արևելյան Միջերկրական ծովում ուժերի հավասարակշռությունը կխախտվի, եթե ԱՄՆ նախագահ Դոնալդ Թրամփը թույլ տա Թուրքիային գնել F-35 կործանիչներ, Միցոտակիսը նշել է, որ «չի մեկնաբանի նախագահ Թրամփի և Թուրքիայի նախագահ Թայիփ Էրդողանի երեկվա հայտարարությունները»։

«Ես կարող եմ միայն ասել, որ դաշինքը պետք է հիմնված լինի բարիդրացիական հարաբերությունների հիմնարար սկզբունքի վրա: Այն ժամանակ, երբ իմ երկիրը բախվում է casus belli-ի (լատիներեն՝ «պատրվակ պատերազմ հայտարարելու համար») Թուրքիայի կողմից, եթե մենք օգտագործենք մեր տարածքային ջրերը ընդլայնելու մեր օրինական իրավունքը, ես հստակ եմ համարում, որ ՆԱՏՕ-ի բոլոր անդամների շահերը պետք է հաշվի առնվեն», - հավելել է Հունաստանի վարչապետը։

Միաժամանակ, նա վստահություն է հայտնել, որ «այս չլուծված հարցերը կարող են լուծվել բարիդրացիական հարաբերությունների և համագործակցության ոգով»։ Միցոտակիսը նաև նշեց, որ միշտ հաճույքով է այցելում Անկարա։