Թրամփը քննադատել է Բուշին, Օբամային և Բայդենին

ԱՄՆ նախագահ Դոնալդ Թրամփը քննադատել է բոլոր նախորդ ամերիկացի առաջնորդներին, այդ թվում՝ Ջորջ Բուշ կրտսերին, Բարաք Օբամային և Ջո Բայդենին, ՆԱՏՕ-ի անդամներին իրենց ռազմական ծախսերը մեծացնելու հարցում չհամոզելու համար և անմիջապես գովաբանել ՆԱՏՕ-ի գլխավոր քարտուղար Մարկ Ռյուտեին իր շողոքորթության համար: Այս փոխանակումը տեղի է ունեցել Ռյուտեի և Թրամփի միջև Անկարայում ՆԱՏՕ-ի գագաթնաժողովի միակ աշխատանքային նիստից առաջ կայացած հանդիպման ժամանակ։

«ՆԱՏՕ-ի երկրները լուռ համաձայնվում էին ԱՄՆ-ի հետ: Եթե Բայդենն ավելի շատ խելք ունենար, կասեր նրանց ավելի շատ վճարել: Բայց նա չարեց դա: Ինչպես Օբաման, սա պետք է տեղի ունենար տարիներ առաջ, բայց Օբաման չարեց դա, Բայդենը՝ ոչ, և, անկեղծ ասած, Բուշն էլ չարեց դա», - ասել է Թրամփը։

Այդ պահին Ռյուտեն ընդհատել է նրա ելույթը՝ ասելով. «Բայց հիմա ձեր շնորհիվ է, որ սա տեղի ունեցավ: Դուք արեցիք այն, ինչ Դուայթ Այզենհաուերը (ԱՄՆ նախագահ 1953-1961 թվականներին) փորձեց անել՝ հավասարեցնել ռազմական ծախսերը Եվրոպայի և ԱՄՆ-ի միջև: ԱՄՆ ոչ մի այլ նախագահ չի հասել այս հաջողությանը. դուք առաջինն էիք», - ասել է Ռյուտեն։ «Ահա թե ինչու եմ ես նրան սիրում», - անմիջապես պատասխանել է Թրամփը։