Semafor. ԱՄՆ-ն կարող է խնդրել Թուրքիային դադարեցնել S-400-ի օգտագործումը

ԱՄՆ ղեկավարությունը քննարկում է Թուրքիայում ներկայումս շահագործվող ռուսական արտադրության S-400 հակաօդային պաշտպանության համակարգի տարրերի անջատումը որպես Թուրքիային հինգերորդ սերնդի F-35 կործանիչներ մատակարարելու տարբերակ։ Այս մասին հաղորդում է ամերիկյան Semafor պորտալը՝ հղում անելով աղբյուրներին։

Պորտալի տվյալներով՝ Վաշինգտոնը այս սցենարը համարում է փոխզիջում, քանի որ այն պետք է օգնի շրջանցել ԱՄՆ Կոնգրեսի կողմից Թուրքիային F-35 վաճառքի սահմանափակումները՝ միաժամանակ թույլ տալով Անկարային պահպանել իր S-400 համակարգերը։ Սակայն Թրամփի վարչակազմը դեռևս վերջնական որոշում չի կայացրել այն մասին, թե ինչպես է Վաշինգտոնը Թուրքիային վաճառելու F-35 կործանիչներ։

Հուլիսի 7-ին Թուրքիայի նախագահ Ռեջեփ Թայիփ Էրդողանի հետ հանդիպման ժամանակ Թրամփը հայտարարել է, որ Վաշինգտոնի վարչակազմը կքննարկի Թուրքիային F-35 կործանիչներ մատակարարելու հնարավորությունը, քանի որ դա կամրապնդի երկկողմ հարաբերությունները։ Էրդողանն իր հերթին նշել է, որ հույս ունի F-35-ների վերաբերյալ ԱՄՆ դրական որոշման վրա։ Հուլիսի 8-ին Թրամփը, Անկարայում ՆԱՏՕ-ի գագաթնաժողովում ՆԱՏՕ-ի գլխավոր քարտուղար Մարկ Ռյուտեի հետ հանդիպման ժամանակ հայտարարել է, որ Թուրքիան կստանա հինգերորդ սերնդի F-35 կործանիչներ։