Քսենիա Սոբչակը հայտնել է իր Telegram ալիքների կոտրման մասին

Ռուսաստանցի հեռուստահաղորդավար և լրագրող Քսենիա Սոբչակը հայտարարել է, որ անհայտ անձինք ապօրինի մուտք են ստացել իր «Кровавая барыня» և «Собчак» Telegram ալիքներին։ Այդ մասին նա հայտնել է իր Instagram-ի էջում։

«Կարևոր տեղեկություն Ostorozhno Media-ի ընթերցողների համար․ խարդախները ժամանակավորապես կոտրել են մեր հոլդինգի մի քանի ռեսուրսներ՝ «Кровавая барыня» և «Собчак» Telegram ալիքները։ Ժամը 14:00-ից հետո հրապարակված բոլոր գրառումները մեզ հետ որևէ կապ չունեն», — գրել է Սոբչակը։

Նա ընթերցողներին կոչ է արել չվստահել կոտրված ալիքներում հրապարակվող տեղեկություններին մինչև դրանց նկատմամբ վերահսկողության ամբողջական վերականգնումը։