Գաղութների և ՔԿՀ-ների խոհարարները ներկայացրել են իրենց լավագույն ուտեստները

Ռուսաստանի Խանտի-Մանսիական ինքնավար օկրուգում (Յուգրա) անցկացվել է ուղղիչ գաղութների և քննչական մեկուսարանների խոհարարների մրցույթ, որի ընթացքում մասնակիցները ներկայացրել են իրենց լավագույն ուտեստները։ Այդ մասին հայտնել է տարածաշրջանի Դաշնային քրեակատարողական ծառայության (ФСИН) վարչությունը։

Մրցույթի ընթացքում ուտեստները գնահատել է մասնագիտական ժյուրին։ Հաղթող է ճանաչվել ՔԿՀ №1-ի թիմը, որը ներկայացրել էր խարչո, փլավ և վինեգրետ աղցան։

Երկրորդ տեղը զբաղեցրել է Ուղղիչ գաղութ №15-ը՝ ներկայացնելով բորշչ, տապակած հավ, մակարոնեղեն և աղցան, իսկ երրորդ տեղում հայտնվել է Ուղղիչ գաղութ №11-ը՝ դաշտային ապուրով, կորեկի շիլայով, աղցանով և բուրգերով։

Ավելի վաղ ռուսական լրատվամիջոցները հայտնել էին, որ երկրում աճում է այսպես կոչված «դատական տուրիզմի» նկատմամբ հետաքրքրությունը։